الأتوميشن في الصناعة
في المقال ده هنتكلم عن موضوع الاتوميشن بشكل عام، وايه هيا الأدوات اللي هحتاجها
علشان أكون مهندس اتوميشن شاطر ..
هنقسم الموضوع لشوية تفاصيل وناخده step by step علشان نفهم الدنيا فيها
ايه.
what is automation أولا: ما هو الاتوميشن
كلمة اتوميشن في حد ذاتها معناها اني اتحكم في حاجة معينة عن طريق سيستم بيكون
فيه مكونات مختلفه زي حساسات بأنواعها بقا .. ومواتير بانواعها .. واهم حاجه فيه
بتكون المتحكم او الكنترولر اللي هيكون مسئول عن العمليات المهمة زي المراقبة
واتخاذ القرارات وغيرها علشان في الاخر السيستم بتاعي يتصرف بصورة صحيحة زي منا
عاوزها ..
لحد دلوقت الموضوع ينفع في حاجات كتير زي مثلاً ال Home automation بمعني اني
ممكن اتحكم في اضاءة البيت مثلا تشتغل لما يتواجد شخص او مجموعه في الغرفه وتطفي
لما يغادروا .. ممكن ازود فتح وغلق الستائر وممكن اوصل اني البيت كله بالكامل
Fully automated يكون
.. و ده معناه ان الاتوميشن مش حكر علي الصناعه والماكينات وبس .. علشان
كده لما اجي ابحث مثلا عن الاتومشين في الصناعه ومحتاج نتائج بحث دقيقة لازم اقول
industrial automation ..
من هنا نقدر نبدأ نتكلم عن الأتوميشن الصناعي، هنا بقا هيكون معناه اني عاوز
اتحكم في ماكينة معينة ولتكن ماكينة تعبئة لمنتج معين
انا هنا بحول الماكينة من مجرد حديد واستانلس لماكينة فعلية بتقدر تحس
بوجود المنتج وتفتح صمام
يملا لحد المستوي المطلوب وبعدين تحرك السير علشان تملأ المنتج اللي بعده
وبكده تبدأ عملية الإنتاج ..
والسؤال هنا اعمل كده ازاي ؟! اقولك هتعمل كده ازاي🤔 ..
PLC بص يا سيدي هتجيب
Inverter وهتجيب
وهتجيبلك بقا كام ريلاي وكام كونتاكتور وباور سابلاي لزوم التغذية الاربعه وعشرين
مع شوية حساسات مفاتيح تشغيل ومتنساش
E-stop تجيب
لزوم الامان😀 ... وتقوم حاططهم مع بعض في لوحه ومثبتهم كويس بشكل مرتب
وشيك وجميل وتسمي الله وتشغل بقا ... وان شاء الله مفيش اي حاجه هتشتغل 😂😂 ليه
بقا ؟ اقولك ليه 🤔 ببساطه لان الأجهزة المستخدمة في الاتوميشن مش حط الفيشه
تشتغل
شيل الفيشه تفصل او
Plug & Play ...
هفترض انك عارف ازاي توصل المكونات دي مع بعضها بصورة صحيحة ..
PLC انتا محتاج تتعلم ازاي تبرمج
وازاي تبرمج انفرتر ( و لو اني شايف ان الانفرتر مفيهوش برمجه قد ما هيا
ضبط اعدادات 🤔) .. و يا سلام بقا لو تجيب للراجل المشغل الغلبان اللي بيشغل
الماكينه شاشة حلوه تسهل عليه الموضوع شوتين سواء في التشغيل او في الأعطال
"ما هي الشاشة بتظهر مكان الاعطال 🤔"
كل الحاجات دي هي اللي هتتعلمها لو فضلت متابعنا ان شاء الله .. عندك بقا شوية
حاجات لازم تفهمها قبل موضوع البرمجه ده .. كمل
...... قراءة
لازم تفهم كويس جداً البروسيس او الوصف بتاع الماكينة او خط الانتاج او اي
كان
لازم تفهم ايه تاني ؟ لازم تفهم كويس جداً الماكينة شغاله ازاي وايه
المطلوب منها وفائدة كل حساس لازم الكلام ده يكون في دماغك او مكتوب معاك المهم
يبقا موجود وواضح بالنسبة لك.
PLC لازم تفهم الكنترول سيستم شغال ازاي ومين هو الحساس ومين هو ال
(closed / open loop Control system) والانفرتر والمواتير ومكان كل واحد في
منظومة الكنترول
.... تعرف تقرأ دوائر الكهرباء كويس ..
.. P&ID is a plus 💚وطبعا طبعا ال
PLC ان شاء الله المواضيع دي كلها هنناقشها من اكتر من زاوية وهنتكلم عنها
باستفاضة وخصوصاً ازاي تبرمج ال 🎯
لكن هفترض ان الناس اللي هتتابعني هتكون عارفه اساسيات البرمجه كويس ومحتاجة تطور
من نفسها ..
.... اتمني اكون أفدتكم
.. اسألكم الدعاء
😅 واللايك والشير بردو
